~Siu B's swimming~

12/07/2009 (SUN)

本來今天大少想去影相... 我就想湊小B陪小B...

於是乎講掂數, 先去SSP買個水池比小B回林村玩,

我就陪小B, 大少就去影相, 咁樣就皆大歡喜喇~~

點知大少見我買水池買得咁高興, 又買埋水槍又買波波...

跟住話.. "嗯... 我都係唔去影相喇, 我決定留低影仔..."

哈... 係你自己講0家咋... 好喇... 參埋你玩喇~^^

(呢度所有野加埋都不用$200... 抵!!!^^)

原來同個水池泵氣一點都唔易... >-<..

大少0係用電氣泵相助下, 都泵左差唔多成半個鐘先攪掂~

初初小B見到咁大個池有點怕, 不肯下水, 硬要我抱他,

仔呀仔... 難為papa泵左成半個鐘, 比下面玩陣好喎~~~

還是爺爺好耐性, 慢慢氹小B, 教小B用豬腳仔踢下水,

warm up左一大輪, 終於小B肯落水喇!!!^^

小B一玩就停唔到手, 執住D波波不停拋來拋去,

仲愈坐愈出, 完全唔記得晒頭先自己係幾驚... -_-"

玩還玩仲會記得望鏡頭bor~^^


哈... mama最愛小B呢D古惑樣~~XDD

mama最愛這一張~~^^